Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Qəbələdə təhsil işçilərinin sentyabr konfransına start verilib

Avqustun 27-də Şəki-Zaqatala Regional Təhsil İdarəsinin Qəbələ rayon təhsil sektoru üzrə təhsil işçilərinin sentyabr konfransına start verilib. İki gün davam edəcək konfransın ilk günündə Elm və Təhsil İşçiləri Həmkarlar İttifaqının Qəbələ Rayon Komitəsinin sədri Camal Qurbanov, Qəbələ rayon təhsil sektorunun müdiri Arifə Bayramova və struktur bölmə rəhbərləri, Şəki-Zaqatala Regional Təhsil İdarəsinin müdir müavini Hafiz Pənahov və İnzibati-Təşkilat sektorunun baş məsləhətçisi Yusif Dəmirov, Qəbələ Rayon İcra Hakimiyyətinin Ərazi-təşkilat və ictimai-siyasi məsələlər şöbəsinin İctimai-siyasi və humanitar məsələlər sektorunun aparıcı məsləhətçisi, Uşaq hüquqlarının müdafiəsi üzrə komissiyanın məsləhətçi-psixoloqu Mələkxanım Ədilova, “Qəbələ səsi” qəzetinin redaktoru Azad Məmmədov, Qəbələ rayonunun ümumtəhsil məktəblərinin direktorları və məktəbəqədər müəssisələrin rəhbərləri iştirak ediblər.

Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Ulu Öndər Heydər Əliyevin, şəhidlərin və dünyasını dəyişmiş təhsil işçilərinin əziz xatirəsi bir dəqiqəlik sükutla yad edilib.

Qəbələ rayon təhsil sektorunun müdiri Arifə Bayramova ötən tədris ilinin yekunlarına dair hesabat məruzəsi ilə çıxış edib. O, rayonda təhsilin inkişafı istiqamətində həyata keçirilən tədbirlər, əldə olunan nəticələr və qarşıda duran vəzifələr barədə məlumat verib.

Şəki-Zaqatala Regional Təhsil İdarəsinin müdir müavini Hafiz Pənahov yeni təmayül tədris modeli barədə geniş məlumat verərək, yeni tədris ilində qarşıda duran əsas məsələlərdən danışıb. Digər çıxış edənlər yeni tədris ilinin başlanması münasibətilə təhsil işçilərinə uğurlar arzulayıblar.

Konfrans zamanı təhsil işçilərinin sualları cavablandırılıb, onları maraqlandıran məsələlərə aydınlıq gətirilib.

Həmkarlar ittifaqı təşkilatının növbəti iclası keçirilib.

Murad Əlibəyov adına Xırxatala kənd tam orta ümumtəhsil məktəbində həmkarlar ittifaqı təşkilatının növbəti iclası keçirilib.

İclas zamanı məktəbin müəllimi Yusifov Nurlan Murad oğlu səsvermə yolu ilə məktəbin ilk həmkarlar ittifaqı təşkilatının sədri seçilib. Daha sonra məktəbin ilk həmkarlar ittifaqı üzvləri ilə müxtəlif məsələlər ətrafında müzakirələr aparılıb, üzvlərin təklifləri dinlənilib və onları maraqlandıran suallar cavablandırılıb. Yeni seçilmiş sədrə fəaliyyətində uğurlar arzulayırıq.

600-dən yüksək bal toplayan məzunlarla görüş keçirilib

14 avqust 2026-cı il tarixində ETİHİ Qəbələ Rayon Komitəsinin və Şəki-Zaqatala Regional Təhsil İdarəsinin Qəbələ rayon təhsil sektorunun birgə təşkilatçılığı ilə Şirvan Bulqədirov adına 5 nömrəli tam orta ümumtəhsil məktəbində 2025–2026-cı tədris ilinin qəbul imtahanlarının nəticələrinə əsasən 600-dən yüksək bal toplayan məzunlarla görüş keçirilib.

Görüşdə ETİHİ Qəbələ Rayon Komitəsinin sədri Camal Qurbanov, Qəbələ Rayon İcra Hakimiyyətinin Ərazi-təşkilat və ictimai-siyasi məsələlər şöbəsinin müdiri Ətayə Osmanova, Qəbələ rayonu üzrə təhsil sektorunun müdiri Arifə Bayramova, “Qəbələ səsi” qəzetinin redaktoru Azad Məmmədov, məktəb rəhbərləri, müəllimlər, məzunlar və valideynlər iştirak ediblər.

Tədbirdə çıxış edən ETİHİ Qəbələ Rayon Komitəsinin sədri Camal Qurbanov yüksək nəticə göstərən məzunları, onların müəllimlərini və valideynlərini təbrik edib, gənclərə gələcək təhsil və fəaliyyətlərində uğurlar arzulayıb. O, məzunların əldə etdikləri yüksək nəticələrin müəllim əməyinin və valideyn dəstəyinin mühüm göstəricisi olduğunu qeyd edib.

Qəbələ Rayon İcra Hakimiyyətinin Ərazi-təşkilat və ictimai-siyasi məsələlər şöbəsinin müdiri Ətayə Osmanova məzunları təbrik edərək onların qazandıqları uğurların qürurverici olduğunu bildirib, gənclərə gələcək fəaliyyətlərində uğurlar arzulayıb və ölkəmizin inkişafında fəal iştirak etmələrinin vacibliyini vurğulayıb.

Qəbələ rayonu üzrə təhsil sektorunun müdiri Arifə Bayramova çıxışında yüksək bal toplayan məzunları təbrik edib, onların qarşısında yeni imkanların açıldığını qeyd edib. O, Qarabağ Universitetinin yaradılmasının gənclər üçün mühüm imkanlar yaratdığını bildirərək məzunlara düzgün ixtisas seçimi və gələcək təhsil həyatlarında uğurlar arzulayıb.

“Qəbələ səsi” qəzetinin redaktoru Azad Məmmədov çıxışında yüksək nəticə göstərən məzunların uğurlarının rayon ictimaiyyəti üçün əhəmiyyətindən danışıb, onların gələcəkdə də yüksək nailiyyətlər əldə edəcəklərinə inamını ifadə edib.

Görüş zamanı məzunların təhsil və gələcək karyera seçimləri ilə bağlı fikirləri dinlənilib, onların sualları cavablandırılıb.

Sonda valideynlər və məzunlar göstərilən diqqət və qayğıya görə Azərbaycan Respublikasının Prezidenti cənab İlham Əliyevə, Azərbaycan Həmkarlar İttifaqları Konfederasiyasının və Elm və Təhsil İşçiləri Həmkarlar İttifaqının rəhbərliyinə təşəkkürlərini bildiriblər.

Çalışmanın yaş həddinə çatmış müəssisə rəhbəri ilə görüş keçirilib

Avqustun 11-də ETİHİ Qəbələ Rayon Komitəsinin sədri Camal Qurbanov və Qəbələ rayonu üzrə təhsil sektorunun müdiri Arifə Bayramova çalışmanın yaş həddinə çatmış Nic qəsəbəsi 4 nömrəli tam orta ümumtəhsil məktəbinin direktoru Venera Baxışova ilə görüşüblər.

Görüşdə çıxış edən ETİHİ Qəbələ Rayon Komitəsinin sədri Camal Qurbanov Venera Baxışovanın uzun illər ərzində təhsil sahəsində göstərdiyi səmərəli fəaliyyətdən, məktəbin inkişafına verdiyi töhfələrdən bəhs edərək Venera Baxışovaya sağlam ömür arzulayıb.

Qəbələ rayonu üzrə təhsil sektorunun müdiri Arifə Bayramova çıxışında Venera Baxışovanın təhsil sahəsindəki çoxillik fəaliyyətini yüksək qiymətləndirib, rəhbərlik etdiyi müddətdə məktəbin uğurlarında onun əməyinin xüsusi rolunu qeyd edib. Sektor müdiri Venera Baxışovaya göstərdiyi fədakar əməyə görə təşəkkürünü bildirib və gələcək həyatında uğurlar arzulayıb.

Daha sonra Venera Baxışova çıxış edərək ona göstərilən diqqət və ehtirama görə təşəkkürünü bildirib, təhsil sahəsində fəaliyyət göstərdiyi illər ərzində qazandığı xoş xatirələri bölüşüb.

Sonda Venera Baxışovaya ETİHİ Qəbələ Rayon Komitəsinin fəxri fərmanı və xatirə hədiyyəsi təqdim olunub.

“Şəhərsalma və Memarlıq İli” ilə əlaqədar Şuşa və Xankəndi şəhərlərinə səfər təşkil olunub

ETİHİ Qəbələ Rayon Komitəsinin dəstəyi ilə Sənan Hacıyev adına Zalam kənd tam orta ümumtəhsil məktəbinin kollektivi “Şəhərsalma və Memarlıq İli” ilə əlaqədar Şuşa və Xankəndi şəhərlərinə səfər edib.

Səfər zamanı iştirakçılar həyata keçirilən genişmiqyaslı bərpa, abadlıq və quruculuq işləri ilə yaxından tanış olublar. Onlar bölgədə aparılan yenidənqurma işlərinin miqyası, müasir infrastruktur layihələri və tarixi-mədəni abidələrin bərpası prosesi barədə ətraflı məlumat əldə ediblər.

Səfər iştirakçıları xalqımıza tarixi Zəfəri bəxş edən, işğaldan azad olunmuş ərazilərdə aparılan genişmiqyaslı quruculuq işlərinə rəhbərlik edən Müzəffər Ali Baş Komandan, Azərbaycan Respublikasının Prezidenti cənab İlham Əliyevə dərin minnətdarlıqlarını və ehtiramlarını ifadə ediblər.

Şəhidlərimizin əziz xatirəsi dərin ehtiramla yad olunub, qazilərimizə sağlamlıq və uzun ömür arzulanıb.

Şəhid anası sertifikasiya imtahanında yüksək nəticə əldə edib.

Qəbələ şəhəri Nicat Apayev adına 4 nömrəli tam orta ümumtəhsil məktəbinin texnologiya müəllimi Qəribova Könül Comərd qızı 25 iyun 2026-cı il tarixində Şəki şəhərində keçirilən müəllimlərin sertifikasiya imtahanında yüksək nəticə göstərərək 56 bal yığıb.

Qəribova Könül Comərd qızı 12 may 2023-cü ildə Vətən uğrunda qəhrmancasına şəhid olmuş Qarayev Məhəmməd Mahir oğlunun anasıdır.

Qeyd edək ki, şəhid Qarayev Məhəmməd Mahir oğlu Azərbaycan Respublikası Prezidentinin 26 iyun 2026-cı il tarixli Sərəncamı ilə 3-cü dərəcəli “Vətənə xidmətə görə” ordeni ilə təltif olunub.

Qəribova Könül Comərd qızını əldə etdiyi yüksək nəticə münasibətilə təbrik edir, ona gələcək fəaliyyətində yeni uğurlar arzulayırıq. Şəhidimizin əziz xatirəsini dərin ehtiramla yad edir, ailəsinə səbir diləyirik.

Şükür Eyvazov adına Yemişanlı kənd tam orta ümumtəhsil məktəbinin ittifaq üzvlərinin asudə vaxtlarının səmərəli təşkili məqsədilə tədbir keçirilib.

Tədbir çərçivəsində məktəbin həmkarlar ittifaqı üzvləri bir araya gələrək səmimi ünsiyyət mühitində vaxt keçiriblər. Görüş zamanı kollektivin birliyi, qarşılıqlı əməkdaşlıq və həmrəylik münasibətlərinin daha da möhkəmləndirilməsinin əhəmiyyəti vurğulanıb.

Tədbirdə həmçinin tədris ili ərzində 65 yaşı tamam olan müəllimlər təbrik olunub, onların uzunillik səmərəli pedaqoji fəaliyyətləri və təhsilin inkişafına verdikləri töhfələr yüksək qiymətləndirilib. Yubilyarlara xoş arzular çatdırılıb və hədiyyələr təqdim edilib.

Məktəb kollektivi ölkəmizdə təhsil işçilərinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə, Azərbaycan Həmkarlar İttifaqları Konfederasiyasına (AHİK) və Elm və Təhsil İşçiləri Həmkarlar İttifaqına (ETİHİ) dərin minnətdarlığını bildirib. Qeyd olunub ki, bu cür tədbirlər həmkarlar arasında birlik və həmrəyliyin möhkəmlənməsinə mühüm töhfə verir.

"Şəhərsalma və Memarlıq İli” çərçivəsində Şuşa və Xankəndi şəhərlərinə səfər təşkil edilib

ETİHİ Qəbələ Rayon Komitəsinin dəstəyi ilə Mürvət Bilalov adına Aydınqışlaq kənd tam orta ümumtəhsil məktəbinin kollektivi “Şəhərsalma və Memarlıq İli” ilə əlaqədar Şuşa və Xankəndi şəhərlərinə səfər edib.

Səfər zamanı iştirakçılar həyata keçirilən genişmiqyaslı bərpa, abadlıq və quruculuq işləri ilə yaxından tanış olublar. Onlar bölgədə aparılan yenidənqurma işlərinin miqyası, müasir infrastruktur layihələri və tarixi-mədəni abidələrin bərpası prosesi barədə ətraflı məlumat əldə ediblər.

Səfər iştirakçıları xalqımıza tarixi Zəfəri bəxş edən, işğaldan azad olunmuş ərazilərdə aparılan genişmiqyaslı quruculuq işlərinə rəhbərlik edən Müzəffər Ali Baş Komandan, Azərbaycan Respublikasının Prezidenti cənab İlham Əliyevə dərin minnətdarlıqlarını və ehtiramlarını ifadə ediblər.

Şəhidlərimizin əziz xatirəsi dərin ehtiramla yad olunub, qazilərimizə sağlamlıq və uzun ömür arzulanıb.

ETİHİ Qəbələ Rayon Komitəsi tərəfindən ittifaq üzvləri ilə görüş keçirilib

ETİHİ Qəbələ Rayon Komitəsi tərəfindən Mürvət Bilalov adına Aydınqışlaq kənd tam orta ümumtəhsil məktəbinin həmkarlar ittifaqı üzvləri ilə görüş keçirilib.

Görüş zamanı təhsil işçiləri ilə səmimi fikir mübadiləsi aparılıb, onları maraqlandıran məsələlər müzakirə olunub. Həmkarlar ittifaqı üzvlərinin təklif və fikirləri dinlənilib.

Tədbirdə həmkarlar ittifaqının fəaliyyəti, üzvlərin sosial müdafiəsinin gücləndirilməsi, əmək hüquqlarının qorunması və qarşıda duran vəzifələr barədə ətraflı məlumat verilib. Çıxış edən İttifaq üzvləri görülən işləri müsbət qiymətləndirrərək bu istiqamətdə fəaliyyətin davam etdirilməsinin vacibliyini vurğulayıblar.Görüş çərçivəsində məktəbin hərbi rəhbəri,Vətən müharibəsi veteranı Hikmət Əhmədovun təşəbbüsü ilə Azərbaycanın Milli Qəhrəmanı Mübariz İbrahimovun xatirəsinə həsr olunmuş veloyürüş təşkil edilib. Veloyürüş iştirakçılar tərəfindən maraqla qarşılanıb və vətənpərvərlik ruhunun təbliği baxımından əhəmiyyətli tədbir kimi dəyərləndirilib.

İttifaq üzvlərinin asudə vaxtlarının səmərəli təşkili məqsədilə tədbir keçirilib.

Arzulla Rəhimov adına Yeni Dizaxlı kənd tam orta ümumtəhsil məktəbi üçün təşkil olunan tədbir çərçivəsində məktəbin həmkarlar ittifaqı üzvləri bir araya gələrək səmimi ünsiyyət mühitində vaxt keçiriblər. Görüş zamanı kollektivin birliyi, qarşılıqlı əməkdaşlıq və həmrəylik münasibətlərinin daha da möhkəmləndirilməsinin əhəmiyyəti vurğulanıb.

Tədbirdə həmçinin tədris ili ərzində 65 yaşı tamam olan müəllimlər təbrik olunub, onların uzunillik səmərəli pedaqoji fəaliyyətləri və təhsilin inkişafına verdikləri töhfələr yüksək qiymətləndirilib. Yubilyarlara xoş arzular çatdırılıb və hədiyyələr təqdim edilib.

Məktəb kollektivi ölkəmizdə təhsil işçilərinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə, Azərbaycan Həmkarlar İttifaqları Konfederasiyasına (AHİK) və Elm və Təhsil İşçiləri Həmkarlar İttifaqına (ETİHİ) dərin minnətdarlığını bildirib. Qeyd olunub ki, bu cür tədbirlər həmkarlar arasında birlik və həmrəyliyin möhkəmlənməsinə mühüm töhfə verir.